THANK YOU ALL FOR DONATING 40,000 MEALS TO NTFB

"कार्टी काळजात घुसली!"

मित्रहो,

आपल्या मंडळाचा नवीन वर्षाचा श्रीगणेशा गणरायांच्या स्वागताने होत असतो. दर वर्षी नवीन कार्यक्रम, नवीन उपक्रम आपण हाती घेत असतो. प्रत्येक वर्षी अनेक उत्साही मंडळी आपल्यात सामील होत असतात. गेलं वर्ष हे असंच प्रचंड उत्साहात गेलं. अनेक नवे कार्यकर्ते मिळाले, नवीन पायंडे पडले. गणपतीला ढोल-ताशा हवाच असं एक समीकरणच निर्माण झालं. मायभूमीशी असलेली आपली नाळ जपत दुष्काळग्रस्तांना आपण यथाशक्ति मदतही केली. शिवबांचा जयजयकार करणारी शिवजयंती साजरी केली. सर्वात मुख्य म्हणजे खूप जणांना हे मंडळ आता आपलं वाटू लागलं. आपण मंडळात केवळ पाहुणे म्हणून हजेरी लावत नाही तर आपल्याला स्वत:ला जायची ओढ म्हणून जातो असं एक नातं तयार झालं. हा असा उल्हास उरात बाळगून आपण नवीन वर्षात पदार्पण करत आहोत. या वर्षीही भरगच्च कार्यक्रम आहेत. उत्साह प्रचंड आहे. तरुण सळसळत्या रक्ताचे कार्यकर्ते आहेत. तेव्हा चांगभलं! असं म्हणून सुरुवात करूया.

गणरायांचा उत्सव जवळ आला आहे. आपण या वेळी एक खुसखुशीत नाटक आणत आहोत. कलाकार दुसरे तिसरे कुणी नसून ते आहेत आपले अत्यंत लाडके नटश्रेष्ठ, प्रशांत दामले! आणि त्यांच्या बरोबर येत आहे "काहीही हं श्री" फेम तेजश्री प्रधान! होय, आपण "कार्टी काळजात घुसली!" हे वसंत सबनिसांच्या सिद्धहस्त लेखणीतून उतरलेलं नाटक डॅलस-फोर्टवर्थ मध्ये आणत आहोत. ११ सप्टेंबर रोजी! कार्यक्रम स्थळ नक्की होत आहे, त्याबद्दल अधिक माहिती वेळोवेळी देत राहूच. गणरायांचा जयजयकार, घनगंभीर अथर्वशीर्षाचा घोष, ढोल ताशांचा कडकडाट, बेभान लेझीम, पूर्णब्रम्ह वाटावे असे सात्विक भोजन, जोडीला मनमुराद हसवणारं नाटक! आणखी काय हवं? असा योग वर्षातून एकदाच! तेव्हा, तो चुकवू नका.

२०१६-१७ ची सभासद नोंदणी सुरू झाली आहे. सभासद होण्याचे अनेक फायदे आहेत. सर्व कार्यक्रम सभासदांसाठी कमी दरात ठेवलेले असतात. कॅंपिंग, कोजागिरी, शिवजयंतीसारखे सारखे कार्यक्रम सभासदांसाठी अत्यल्प दरात किंवा पूर्ण मोफत असतात. मकरसंक्रांतीसारखा कार्यक्रम केवळ सभासदांसाठीच मर्यादित ठेवलेला असतो. संक्रांतीच्या विविधगुणदर्शनासारख्या कार्यक्रमांत केवळ सभासदांनाच सहभागी होता येते. असे अनेक फायदे आहेत. शिवाय, उत्तमोत्तम कार्यक्रम हे केवळ आपल्या आर्थिक पाठबळावर होत असतात. तेव्हा, कृपया नोंदणी करा. आणि एक लक्षात ठेवा, मंडळ समिती ही केवळ आखून दिलेल्या रूपरेषेनुसार काम करणारी उत्साही माणसे आहेत. त्या उत्साहात तुम्ही तुमचंही योगदान देऊ शकता, नवीन कल्पना सुचवू शकता, अंमलात आणू शकता. शेवटी हे तुमचं मंडळ आहे, तुम्हीच ते चालवायचं आहे.

शुभस्य शीघ्रम!

Click here to become a member or reniew your membership.

 

When: 
Monday, August 1, 2016 (All day)
Click Here to View Cart                                                      Click Here to Checkout
h